259
اردو ورلڈ کینیڈا ( ویب نیوز)پاکستان تحریک انصاف کے اعلیٰ عہدیداروں نے چیئرمین سینیٹ صادق سنجرانی سے پی ٹی آئی کے سینئر رہنما اعظم سواتی کی قابل اعتراض ویڈیو کے معاملے پر اپنے عہدے سے استعفیٰ دینے کا مطالبہ کردیا۔
سینیٹ میں پی ٹی آئی اور مشترکہ اپوزیشن کی پارلیمانی پارٹی کا اجلاس ہوا جس میں پارلیمانی کمیٹی نے پی ٹی آئی چیئرمین اور سابق وزیراعظم عمران خان پر قاتلانہ حملے کی شدید مذمت کی جب کہ اجلاس میں نامزد ملزمان کے خلاف ایف آئی آر درج نہ ہونے پر تحفظات کا اظہار بھی کیا گیا۔
کمیٹی نے پی ٹی آئی کے سربراہ کی جانب سے اپنی پریس کانفرنس میں پیش کیے گئے چار مطالبات کی حمایت کی ہے۔ علاوہ ازیں کمیٹی نے پی ٹی آئی کے سینئر رہنما اعظم سواتی کے ساتھ غیر انسانی رویے کی بھی مذمت کی۔
