اردوورلڈ کینیڈا( ویب نیوز)تحریک انصاف نے 8 فروری کو مینار پاکستان پر جلسہ کرنے کا فیصلہ کیا ہے جس کے لیے اس نے لاہور انتظامیہ کو درخواست جمع کرائی ہے۔

تفصیلات کے مطابق پی ٹی آئی نے اپنی سیاسی طاقت دکھانے کے لیے مینار پاکستان پر جلسے کا فیصلہ کیا ہے۔. چیف آرگنائزر عالیہ حمزہ کو 8 فروری کو جلسےکے انعقاد کے لیے مقرر کیا گیا تھا اور انہوں نے ڈپٹی کمشنر لاہور کو جلسےکے انعقاد کی اجازت کے لیے تحریری درخواست جمع کرائی تھی۔
درخواست میں کہا گیا ہے کہ پی ٹی آئی 8 فروری کو گریٹر اقبال پارک گراؤنڈ میں ایک جلسہ کرنا چاہتی ہے جس کے لیے این او سی کی منظوری دی جانی چاہیے۔
جلسے کی آرگنائزنگ کمیٹی میں چیف آرگنائزر عالیہ حمزہ، اپوزیشن لیڈر ملک احمد خان بچھر اور علی اعجاز بٹر شامل ہیں۔
پی ٹی آئی ذرائع کا کہنا ہے کہ اگر اجازت نہ دی گئی تو پی ٹی آئی ملک گیر احتجاج کرے گی۔