اردوورلڈ کینیڈا( ویب نیوز)پی ٹی آئی نے مخصوص نشستوں کی فہرست تبدیل کرنے کا فیصلہ کیا ہے۔.ذرائع کے مطابق مخصوص نشستوں کے لیے دیے گئے نام اور فہرست تبدیل کر دی جائے گی۔. پرانی فہرست میں شامل ناموں کو تبدیل کرنے پر مشاورت شروع کر دی گئی ہے۔. اس سلسلے میں مخصوص نشستوں کے لیے خواتین اور اقلیتی امیدواروں کی فہرست میں تبدیلی کی جائے گی۔
پارٹی ذرائع کا کہنا ہے کہ تبدیل شدہ فہرست اور نام پی ٹی آئی کے بانی چیئرمین عمران خان کے سامنے رکھے جائیں گے۔. پارٹی کی سینئر قیادت کو پچھلی فہرست میں کچھ ناموں پر بھی تحفظات ہیں پارٹی قیادت کی مشاورت سے نئے نام شامل کیے جائیں گے۔.
دوسری جانب بیرسٹر گوہر نے بعض نشستوں کے لیے نئی فہرست کی تیاری کی تصدیق کی ہے۔. انہوں نے کہا کہ نئی فہرست کی حتمی منظوری بانی پی ٹی آئی دیں گے ۔