اردوورلڈ کینیڈا( ویب نیوز)پی ٹی آئی رہنما اسد قیصر نے جے یو آئی کے سربراہ مولانا فضل الرحمان کو ٹیلی فون کیا اور خیبرپختونخوا اسمبلی تحلیل کرنے سے متعلق بیان پر کہا کہ ہم نے اپنی ملاقات میں کے پی اسمبلی تحلیل کرنے کی بات نہیں کی۔
پی ٹی آئی رہنما اسد قیصر کا کہنا تھا کہ ملاقات میں ملک میں نئے انتخابات کے مطالبے پر بات ہوئی۔ ملک میں نئے انتخابات پر پی ٹی آئی اور جے یو آئی کا موقف ایک ہے۔
دوسری جانب چیئرمین پی ٹی آئی بیرسٹر گوہر خان نے بھی جے یو آئی کے سربراہ مولانا فضل الرحمان سے اسمبلیوں کی تحلیل یا استعفوں پر بات نہ کرنے کی تصدیق کی ہے۔
بیرسٹر گوہر خان نے کہا کہ خیبرپختونخوا اسمبلی کی تحلیل یا قومی اسمبلی سے استعفوں پر مولانا فضل الرحمان سے کوئی مشاورت نہیں ہوئی اور نہ ہی ایسا کوئی فیصلہ ہوا ہے۔