ishtiaq ahmed 
اردو ورلڈ کینیڈا ( ویب نیوز )تحریک انصاف کے چیئرمین عمران خان حقیقی آزادی جلسہ سے خطاب کریں گے۔
پاکستان تحریک انصاف کی حکومت کے خلاف تحریک جاری رکھنے کے لیے آج لاہور کے ہاکی سٹیڈیم میں جلسہ کیا جائے گا۔
پی ٹی آئی کے چیئرمین عمران خان "حقیقی آزادی جلسہ سے خطاب کریں گے جہاں ان سے مستقبل کا لائحہ عمل بتانے کی توقع ہے۔ وہ ایک روز قبل لاہور پہنچے اور تاریخی تقریب کے حتمی انتظامات کی نگرانی کے لیے پنڈال کا دورہ کیا۔
جلسہ عام کے لیے تمام انتظامات مکمل کر لیے گئے ہیں جس میں لوگوں کی بڑی تعداد کی شرکت متوقع ہے۔ تقریب کا آغاز شام 7 بجے ہوگا اور اس میں یوم آزادی کی تقریبات بھی شامل ہیں اور پی ٹی آئی کے اہم رہنما شرکت کریں گے۔
سٹیج تیار کر لیا گیا ہے اور پنڈال میں سائونڈ سسٹم لگا دیا گیا ہے۔ سٹینڈز میں 45 ہزار افراد بیٹھ سکتے ہیں جبکہ مین گرا ئونڈ میں بیٹھنے کا بھی انتظام کیا گیا ہے۔
مجموعی طور پر ایک لاکھ سے زائد افراد کے جلسے میں آنے کے انتظامات کیے گئے ہیں ٹینس کمپلیکس کے ساتھ 20 بستروں پر مشتمل ایمرجنسی ہسپتال بھی قائم کیا گیا ہے۔
حاضرین کے لیے لبرٹی را ئونڈ اباٹ اور بوائز ہائی سکول گلبرگ میں پارکنگ کا انتظام کیا گیا ہے۔
