پی ٹی آئی کا منگل سے لانگ مارچ شروع کرنیکا اعلان، عمران خان راولپنڈی سے شامل ہونگے

111

اردو ورلڈ کینیڈا ( ویب نیوز )عمران خان نے منگل سے وزیر آباد سے لانگ مارچ کا دوبارہ آغاز کر نے کا اعلان کرتے ہوئے کہا کہ لوگ مارچ میں شامل ہوں میں ویڈیو لنک کے ذریعے خطاب کروں گا اور راولپنڈی سے مارچ میں شامل ہونگا
انہوں نے کہا کہ فائرنگ واقعہ کی ایف آئی آر تاحال درج نہیں ہوسکی

لاہور کے شوکت خانم ہسپتال سے پریس کانفرنس کرتے ہوئے پی ٹی آئی کے سربراہ کا کہنا تھا کہ ان کے چند سوالات ہیں جن کا وہ جواب چاہتے ہیں۔
انہوں نے کہا کہ پاکستان میں ایسے لوگ ہیں جو قانون سے بالاتر ہیں، کیا آئین اس کی اجازت دیتا ہے؟”
عمران نے شفاف تحقیقات کا مطالبہ کیا اور کہا کہ صرف تحقیقات ہی سچائی کا تعین کرے گی۔

انہوں نے کہا کہ ایف آئی آر درج کرانا میرا حق ہے،ا نہوں نے مزید کہا کہ یہ کیسے ممکن ہے کہ صوبائی حکومت کے ماتحت پنجاب پولیس بہانے کرتی رہے اور مقدمہ درج نہ کرے۔
یاد رہے کہ رائیونڈ کے اجتماع کے پیش نظر آج احتجاج کی کال کو معطل کر دیا گیا ہے