سپریم کورٹ میں پی ٹی آئی لیول پلیئنگ فیلڈ سے متعلق درخواست کی سماعت کے دوران پی ٹی آئی رہنما حامد خان کو عدالت نے طلب کیا جس پر وہ روسٹرم پر آگئے۔چیف جسٹس نے حامد خان سے سوال کیا کہ کیا آپ کی درخواست کل فکس کر دی جائے؟ جس پر حامد خان نے استدعا کی کہ سماعت آج ہی مقرر کی جائے۔چیف جسٹس قاضی فائز عیسیٰ نے کہا کہ آج 9 رکنی بنچ ہے اور خصوصی بنچ بھی ہے، حامد خان نے کہا کہ ہماری ترجیح آج ہے، نہیں تو کل۔چیف جسٹس نے کہا کہ کیا آپ فیصلے کے خلاف آئے یا 184/3 کی درخواست ہے؟ حامد خان نے کہا کہ وہ پشاور ہائی کورٹ کے حکم کے خلاف 185/3 میں سپریم کورٹ آئے ہیں۔ ۔بعد ازاں عدالت نے بلے نشان کیس کی سماعت 10 جنوری کو مقرر کی۔