اردوورلڈکینیڈا( ویب نیوز)او ٹاوا کے اسکولوں پر ایک نئی رپورٹ میں بتایا گیا ہے کہ اوٹاوا کے پبلک اور کیتھولک اسکول بورڈز تعلیمی نتائج میں کمزور ہیں۔

یہ رپورٹ بچوں کے ریاضی اور پڑھنے لکھنے کے امتحانات یعنی گریڈ 3 اور گریڈ 6 کے EQAO ٹیسٹ کے نمبروں پر مبنی ہے۔ مطالعے کے مطابق اوٹاوا کا پبلک بورڈ سب سے نیچے ہے جبکہ کیتھولک بورڈ بھی اچھی کارکردگی نہیں دکھا سکا۔ دوسری طرف، فرانسیسی اسکول اور اونٹاریو کے کئی دوسرے بورڈز بہتر کارکردگی کر رہے ہیں، جن میں نیاگرا اور ونسزر کے بورڈز نمایاں ہیں۔

یہ خبر بھی پڑھیں 

البرٹا کے اسکولوں سے جنسی مناظر والی کتابیں ہٹا دی گئیں

رپورٹ میں یہ بھی کہا گیا ہے کہ اسکولوں میں بچوں کی کامیابی زیادہ تر اساتذہ اور اسٹاف کی محنت پر منحصر ہوتی ہے، چاہے بچے امیر گھرانوں سے ہوں یا غریب پس منظر سے تعلق رکھتے ہوں۔ حکومتِ اونٹاریو نے پہلے ہی اوٹاوا کے پبلک بورڈ کو اپنی نگرانی میں لے لیا ہے کیونکہ وہ مالی وسائل کے انتظام میں ناکام رہا ہے۔ رپورٹ کے مطابق مالی بدانتظامی اور تعلیمی کمزوری ایک دوسرے کے ساتھ جڑی ہوئی ہیں اور یہ صورتحال اوٹاوا کے تعلیمی معیار پر براہِ راست اثر ڈال رہی ہے۔