اردو ورلڈ کینیڈا ( ویب نیوز)وزیر اعظم شہباز شریف کے ازبکستان سے پاکستان واپسی کے بعد وفاقی حکومت کی جانب سے آج (ہفتہ) کو پیٹرولیم مصنوعات کی تازہ ترین قیمتوں کا اعلان کرسکتے ہیں

پاکستان میں پیٹرولیم مصنوعات کی قیمتوں میں پندرہ دن بعد نظر ثانی کی جاتی ہے۔

ذرائع کے مطابق وزیر اعظم کے دفتر نے وزارت خزانہ کو پی او ایل کی قیمتوں کے اعلان سے آگاہ کر دیا ہے۔

ذرائع نے یہ بھی بتایا کہ آئل اینڈ گیس ریگولیٹری اتھارٹی (اوگرا) نے فنانس ڈویژن کو بھیجی گئی سمری میں پیٹرول اور ڈیزل کی قیمتوں میں کمی کی تجویز نہیں دی۔ اس کے بجائے پی او ایل کی قیمتوں میں معمولی اضافے کا امکان ہے۔

ذرائع کا کہنا ہے کہ پی او ایل کی قیمتوں کے حوالے سے حتمی فیصلہ آج متوقع ہے۔

ذرائع نے انکشاف کیا ہے کہ اعلان میں تاخیر کے باعث پیٹرول پمپس نے پیٹرولیم مصنوعات کی خریداری بند کردی ہے جس سے قلت پیدا ہوسکتی ہے۔

اس سے قبل گلے پندرہ دن تک پیٹرول کی قیمت 9.62 روپے فی لیٹر کی کمی کے بعد 235.98 روپے فی لیٹر سے کم ہو کر 226.36 روپے تک پہنچنے کا امکان ہے۔

تاہم، ڈیزل کی قیمت میں 3.04 روپے فی لیٹر کا معمولی اضافہ متوقع ہے، جو مذکورہ مدت کے لیے 247.26 روپے فی لیٹر سے بڑھ کر 250.30 روپے تک پہنچ جائے گا۔

ذرائع نے بتایا کہ ان قیاس آرائیوں کے درمیان پٹرول پمپ مالکان نے پٹرولیم مصنوعات کی خریداری روک دی ہے۔

معلوم ہوا کہ پیٹرول کی قیمتوں میں ابھی تک کوئی تبدیلی نہیں کی گئی کیونکہ وزیراعظم شہباز شریف نے ابھی تک اپنی ہدایات نہیں دی ہیں۔

معاملے سے واقف ذرائع کا کہنا ہے کہ پیٹرولیم مصنوعات کی قیمتوں میں ردوبدل کی منظوری کا اختیار وزیراعظم کے پاس ہے۔