اردوورلڈ کینیڈا( ویب نیوز) وزیر اعلیٰ پنجاب مریم نواز شریف کا صحافی برادری کے لیے تاریخی اقدام، 3200 صحافیوں کو پلاٹ فراہم کرنے کا فیصلہ کیا گیا ہے۔.
صوبائی وزیر اطلاعات عظمیٰ بخاری نے وزیر اعلیٰ پنجاب مریم نواز سے ملاقات کی جس میں وزیر اعلیٰ نے وزارت اطلاعات کو "جرنلسٹ کالونی لاہور فیز ٹو” کے لیے فوری اقدامات کرنے کا حکم دیا۔.
وزیر اعلیٰ پنجاب نے صحافیوں کو ہدایت کی کہ وہ تمام قانونی تقاضوں کو پورا کریں اور پلاٹوں کی فراہمی کے لیے جلد از جلد ’’جرنلسٹ ہاؤسنگ اسکیم فیز ٹو‘‘ کا عمل مکمل کریں۔.
اجلاس میں وزیر اعلیٰ مریم نواز نے کہا کہ صحافی اور حکومت گاڑی کے دو پہیے ہیں، وہ صحافیوں کو پلاٹ دے کر احسان نہیں کر رہی، یہ ان کا حق ہے، تمام صحافیوں کو میرٹ اور قانونی تقاضوں کو پورا کرنے کے بعد پلاٹ دیے جائیں گے۔.
پنجاب کی وزارت اطلاعات نے لاہور پریس کلب کے علاوہ لاہور کے دیگر صحافیوں سے درخواستیں طلب کرنے کا فیصلہ کیا ہے اور اس سلسلے میں اگلے دو سے تین دنوں میں باقاعدہ اشتہار جاری کیا جائے گا۔.
42
