اردوورلڈکینیڈا( ویب نیوز)پنجاب حکومت نے سابق وزیراعظم یوسف رضا گیلانی کے صاحبزادوں کی سیکیورٹی واپس لے لی ہے۔

ذرائع کے مطابق علی حیدر گیلانی سمیت گیلانی خاندان کے دیگر افراد سے بھی سیکیورٹی واپس لی گئی، جس پر پیپلز پارٹی کے رہنماؤں نے شدید تحفظات ظاہر کیے ہیں۔

علی حیدر گیلانی کا کہنا ہے کہ وہ ماضی میں دہشت گردی کا نشانہ بن چکے ہیں اور اب بھی ان کی جان کو خطرہ لاحق ہے، اس صورتحال میں سیکیورٹی واپس لینا غیر ذمہ دارانہ اقدام ہے۔

تاہم، تاحال حکومت یا کسی ادارے کی جانب سے اس فیصلے پر کوئی باضابطہ وضاحت نہیں دی گئی۔