بانی پاکستان کے یوم پیدائش کے موقع پر اپنے پیغام میں انو ار الحق کاکڑ نے کہا کہ اتحاد کے اصول, قائد کا ایمان اور نظم و ضبط بحیثیت قوم سب کے لیے ایک روشنی ہونا چاہیے تاکہ ہمارا ملک ایک جمہوری ریاست بن سکے جس کا بانی پاکستان نے تصور کیا تھا۔
قوم کو مبارکباد دیتے ہوئے نگرا ن وزیر اعظم نے کہا کہ پوری قوم اس موقع کو جوش، جذبے اور عقیدت کے ساتھ منا رہی ہے
انہوں نے کہا کہ ہمیں انتہا پسند قوتوں کو شکست دینے، جمہوریت کے اصولوں کو برقرار رکھنے، پرامن بقائے باہمی اور قانون کی حکمرانی کے لیے اپنی صفوں میں اتحاد پیدا کرنے کی ضرورت ہے.
انور الحق کاکڑ نے کہا کہ قائداعظم کے عزم اور غیر متزلزل قوت ارادی نے مسلمانوں کو اپنے مقصد کے حصول کے لیے اپنی جدوجہد جاری رکھنے اور عظیم مقصد کے لیے تمام مشکلات کا بہادری سے سامنا کرنے کا عزم دیا.