اردو ورلڈ کینیڈا(ویب نیوز ) کوئٹہ گلیڈی ایٹرز نے پشاور زلمی کو 8 وکٹوں سے ہرا دیا ۔ راولپنڈی کرکٹ سٹیڈیم میں کھیلے گئے میچ میں کوئٹہ گلیڈی ایٹرز نے جیسن روئے کے شاندار 145 ناٹ آؤٹ رنز کی بدولت 241 رنز کا ہدف 18.2 اوورز میں 2 وکٹوں کے نقصان پر حاصل کر لیا۔

کوئٹہ گلیڈی ایٹرز کی جانب سے جیسن رائے نے 63 گیندوں پر 5 چھکوں اور 20 چوکوں کی مدد سے 145 رنز کی ناقابل شکست اننگز کھیلی۔

یہ بھی پڑھیں

کوئٹہ گلیڈی ایٹرز کو شکست، اسلام آباد یونائیٹڈپلے آف مرحلے میں داخل

محمد حفیظ بھی 18 گیندوں پر 2 چھکوں اور 6 چوکوں کی مدد سے 41 رنز بنا کر ناٹ آؤٹ رہے۔ول شمڈ نے 26 اور مارٹن گپٹل نے 21 رنز بنائے۔پشاور زلمی کی جانب سے مجیب الرحمان اور وہاب ریاض نے 1، 1 وکٹ حاصل کی۔اس سے قبل ٹاس جیت کر پہلے بیٹنگ کرتے ہوئے پشاور زلمی نے مقررہ 20 اوورز میں 2 وکٹوں کے نقصان پر 240 رنز بنائے

مزید پڑھیں

کوئٹہ گلیڈی ایٹرز کو لاہور قلندرز سے 17 رنز کی شکست

پشاور زلمی کی جانب سے کپتان بابر اعظم نے پی ایس ایل کی پہلی سنچری اسکور کرتے ہوئے 115 رنز بنائے۔ صائم ایوب 74 رنز بنانے کے بعد آؤٹ ہوئے۔ روومین پاول 35 اور ٹام کوہلر کیڈمور 7 رنز بنا کر ناٹ آؤٹ رہے۔کوئٹہ گلیڈی ایٹرز کی جانب سے ڈوین پریٹوریئس نے ایک وکٹ حاصل کی۔

یہ بھی پڑھیں

کراچی کنگز کی مسلسل تیسری شکست، کوئٹہ 6 رنز سے کامیاب