اردوورلڈ کینیڈا( ویب نیوز)کوئٹہ میں پولیس موبائل پر فائرنگ سے تین پولیس اہلکار شہید اور ایک پولیس اہلکار زخمی ہوگیا۔

بلوچستان حکومت کے ترجمان شاہد رند کے مطابق سراب روڈ پر فائرنگ کا واقعہ پیش آیا ہے اور فائرنگ کے نتیجے میں تین پولیس اہلکاروں کے ہلاک ہونے کی اطلاعات ہیں۔
سیکورٹی فورسز نے علاقے کو گھیرے میں لے لیا ہے، شواہد اکٹھے کیے جا رہے ہیں اور تحقیقات جاری ہیں۔
بلوچستان حکومت کے ترجمان نے مزید کہا کہ یہ واقعہ قابل مذمت ہے، سماج دشمن عناصر کو انصاف کے کٹہرے میں لایا جائے گا۔
شہداء کی قربانیاں رائیگاں نہیں جائیں گی اور بلوچستان میں امن کو سبوتاژ کرنے کی ہر کوشش کو ناکام بنایا جائے گا۔