142
نیویارک پولیس نے ریلی کے دوران رکاوٹیں لگا کر مظاہرین کو ایک دوسرے سے دور رکھا جب کہ برطانیہ کے دارالحکومت لندن میں بھی اسرائیل اور فلسطین کے حق میں ریلیاں نکالی گئیں۔دوسری جانب اسپین کے شہر میڈرڈ میں اسرائیلی حملوں کے خلاف اور فلسطینیوں سے اظہار یکجہتی کے لیے احتجاجی مظاہرہ کیا گیا۔ یونان کے شہر ایتھنز میں اسرائیلی سفارت خانے کے باہر احتجاجی مظاہرہ کیا گیا جہاں مظاہرین نے آزاد فلسطین کے نعرے لگائے۔
آسٹریلیا کے شہر سڈنی میں مظلوم فلسطینیوں کے حق میں ریلی نکالی گئی اور بیلجیئم کے دارالحکومت برسلز میں اسرائیلی سفارت خانے کے باہر لوگ جمع ہو کر صہیونی ریاست کے ساتھ اظہار یکجہتی کیا۔اس کے علاوہ اسرائیل کی حمایت میں فرانس میں ایفل ٹاور اور لندن میں برطانوی پارلیمنٹ کو اسرائیلی پرچم کے رنگوں میں رنگ دیا گیا۔
