اردوورلڈ کینیڈا( ویب نیوز)بالی ووڈ اداکارہ رامی سین نے پلاسٹک سرجری کرانے کی خبر پر خاموشی توڑ دی۔اداکارہ کی نئی تصاویر دیکھنے کے بعد سوشل میڈیا صارفین نے دعویٰ کیا کہ رامی سین نے پلاسٹک سرجری کروائی ہے۔
بھارتی میڈیا سے گفتگو کرتے ہوئے اداکارہ نے کہا کہ اگر لوگوں کو لگتا ہے کہ انہوں نے پلاسٹک سرجری کروائی ہے اور وہ خوبصورت نظر آرہی ہیں تو یہ ان کے لیے بہت اچھا ہے۔
رامی سین نے کہا کہ انہوں نے صرف فلرز، بوٹوکس اور پی آر پی کا علاج کیا ہے اور کوئی بھی ان چیزوں کو استعمال کرکے اچھا لگ سکتا ہے۔
اداکارہ نے کہا کہ پلاسٹک سرجری ان لوگوں کی ضرورت ہے جو جرم کرنے کے بعد فرار ہونا چاہتے ہیں کیونکہ بھارت سے باہر بہت اچھے ڈاکٹر موجود ہیں۔
ان کا مزید کہنا تھا کہ وہ بھی فیچر لفٹ کرنا چاہتی ہیں لیکن 50 سال کی عمر کے بعد اس کے بارے میں سوچوں گی۔
یاد رہے کہ رامی سین نے بالی ووڈ کی کئی کامیاب فلموں جیسے باغبان، دھوم، گرم مصالحہ، پھر ہیرا پھیری اور گول مال میں کام کیا ہے۔