290
اردو ورلڈ کینیڈا ( ویب نیوز )انسداد دہشت گردی کی عدالت نے مسلم لیگ ن کے مرکزی رہنما اور وزیر داخلہ رانا ثنا اللہ کے ناقابل ضمانت وارنٹ گرفتاری جاری کر دیئے۔
گوجرانوالہ کی انسداد دہشت گردی کی عدالت میں وفاقی وزیر داخلہ رانا ثنا اللہ نے حاضری سے استثنی کی درخواست دی تھی، عدالت نے درخواست خارج کرتے ہوئے ناقابل ضمانت وارنٹ گرفتاری جاری کر دیئے۔
وفاقی وزیر داخلہ کے ناقابل ضمانت وارنٹ گرفتاری اے ٹی سی کے جج رانا زاہد اقبال خان نے جاری کیے، عدالت نے پولیس کو حکم دیا کہ رانا ثنا اللہ کو گرفتار کرکے 28 مارچ کو پیش کیا جائے۔
واضح رہے کہ رانا ثنا اللہ کے وارنٹ گرفتاری گجرات کے انڈسٹریل تھانے میں درج مقدمے میں جاری کیے گئے تھے، مقدمہ اگست 2022 میں درج کیا گیا تھا
گزشتہ سماعت پر پولیس نے مقدمہ خارج کرتے ہوئے رپورٹ عدالت میں جمع کرائی تھی جس پر عدالت نے برطرفی کی رپورٹ مسترد کرتے ہوئے ناقص تفتیش کے باعث کیس کے تفتیشی افسر، ڈی ایس پی اور ایس پی انویسٹی گیشن رانا ثنا اللہ کے وارنٹ گرفتاری جاری کردیے تھے۔
