اردو وورلڈ کینیڈا ( ویب نیوز)وفاقی وزیر داخلہ رانا ثناء اللہ کا کہنا ہے کہ آل پارٹیز کانفرنس (اے پی سی) میں کسی جماعت کی عدم شرکت سے معاملے کو نہیں روکا جا سکتا۔

رانا ثناء اللہ نے کہا کہ اے پی سی میں تمام جماعتوں کی شرکت کے لیے دو دن کی توسیع کردی گئی ہے، یہ قومی مسئلہ ہے اور تمام جماعتوں کو اس کا حل تلاش کرنا ہوگا۔

وفاقی وزیر داخلہ نے کہا کہ اے پی سی میں اتفاق رائے کے بعد حکومت دہشت گردوں کے خلاف کارروائی کا فیصلہ کرے گی۔
رانا ثناء اللہ نے کہا کہ عمران خان نے جیل بھرو تحریک کا اعلان کیا ہے، ان کے ہتھکنڈے پہلے بھی ناکام ہو چکے ہیں، عمران کو نہیں معلوم کہ جیل میں رہنا کتنا مشکل ہے، عمران خان نے اپنی سیاسی زندگی میں صرف ایک دن گزارا۔ ، عمران خان کا مقصد سیاسی انتشار ہے، وہ ناکام ہوں گے۔