اردو ورلڈ کینیڈا ( ویب نیوز )بالی ووڈ اداکارہ رانی مکھرجی نے انکشاف کیا کہ ان کے خاندان کے مالی حالات ٹھیک نہیں تھے جس کی وجہ سے انہوں نے فلم انڈسٹری میں قدم رکھا۔

بالی ووڈ اداکارہ رانی مکھرجی نے اپنے ایک انٹرویو میں کہا کہ انہیں اداکاری کا شوق نہیں تھا لیکن والدین کے ناساز مالی حالات کے باعث انہیں اداکاری کی دنیا میں قدم رکھنا پڑا۔
انہوں نے کہا کہ میرے والدین بچوں کو وہ سہولیات نہیں دے پا رہے تھے جو وہ چاہتے تھے اور شاید یہی وجہ تھی کہ میری والدہ نے بھی مجھے اداکاری کی دنیا میں آنے کا مشورہ دیا اور دباؤ ڈالا۔
راجی مکھرجی نے کہا کہ مجھے اپنے خاندان کے مالی حالات بہتر کرنے کے لیے فلم انڈسٹری میں قدم رکھنا پڑا۔
انہوں نے کہا کہ فلم انڈسٹری میں آنے کے بعد میرے گھر والوں نے میرا بھرپور ساتھ دیا اور شادی کے بعد میرے شوہر نے بھی میرا ساتھ دیا۔