اردو ورلڈ کینیڈا ( ویب نیوز )راولپنڈی ،تھانہ روات کی حدود میں ڈکیتی کی بڑی واردات میں مسلح ڈاکوؤں نے جوتوں کے تاجر کے ڈرائیور سے پونے پانچ کروڑ روپے لوٹ لئے۔

تفصیلات کے مطابق راولپنڈی کے تھانہ روات کی حدود میں نجی ہاؤسنگ سوسائٹی میں ڈکیتی کی بڑی واردات ہوئی ہے جس میں مسلح ڈاکوؤں نے جوتوں کے تاجر شیخ اقبال کے ڈرائیور سے 4  کروڑ 5 7 لاکھ روپے لوٹ لیے ہیں۔
واقعے کے حوالے سے شیخ اقبال نے بتایا کہ صدر کے علاقے میں ان کا جوتوں کا کاروبار ہے اور پراپرٹی کا کام بھی ہے۔ملزمان ڈرائیور سے رقم کا تھیلا چھین کر فرار ہو گئے۔
پولیس کا کہنا ہے کہ متاثرہ شہری یہ نہیں بتاتا کہ اس نے اتنی بڑی رقم ڈرائیور کو نقدی کی صورت میں کیسے بھیجی۔
ایس پی صدر نبیل کھوکھر کا کہنا تھا کہ واقعے کی تمام زاویوں سے تحقیقات کر رہے ہیں، جائے وقوعہ کی طرف جانے والی تمام سڑکوں پر نصب سی سی ٹی وی کیمروں کی فوٹیج بھی دیکھی جا رہی ہے۔