اردو ورلڈ کینیڈا ( ویب نیوز ) امریکی نائب صدر کملا ہیرس نے سابق صدر ڈونلڈ ٹرمپ کے ساتھ مباحثے کا چیلنج قبول کر لیا۔اپنے ایک بیان میں ڈیموکریٹک پارٹی کی ممکنہ صدارتی امیدوار کملا ہیرس نے ڈونلڈ ٹرمپ کے مباحثے کا چیلنج قبول کرتے ہوئے کہا ہے کہ وہ سابق امریکی صدر کے ساتھ مباحثے کے لیے تیار ہیں، اور ڈونلڈ ٹرمپ کو مباحثے میں شکست دینا چاہتی ہیں۔
یاد رہے کہ سابق امریکی صدر اور ریپبلکن پارٹی کے صدارتی امیدوار ڈونلڈ ٹرمپ نے کملا ہیرس کو مباحثے کا چیلنج دیا تھا۔ ڈونلڈ ٹرمپ اور کملا ہیرس کے درمیان 17 ستمبر کو ہونے والی بحث کے لیے تجاویز ہیں۔چند روز قبل ریاست نارتھ کیرولینا میں انتخابی ریلی سے خطاب کرتے ہوئے ڈونلڈ ٹرمپ نے کہا کہ تین چار ہفتے پہلے کہا جاتا تھا کہ کملا ہیرس بری سیاست دان ہیں اور اب کہہ رہے ہیں کہ وہ بہت اچھی ہیں۔ کملا حارث صدر بنیں تو ملک تباہ ہو جائے گا۔