حکومت پاکستان اور عسکری قیادت کے فیصلے کے مطابق ملک بھر میں بجلی چوری کے خلاف مہم کے دوران 26 ارب سے زائد کے جرمانے جمع کیے گئے ہیں، 53 ملازمین کو معطل اور 10 ہزار سے زائد افراد کو گرفتار کیا گیا ہے۔
یہ بھی پڑھیں
بجلی چوروں کے خلاف ملک گیر کریک ڈاؤن،ہزاروں گرفتار
اکتوبر کے اعداد و شمار کے مطابق لیسکو نے بجلی چوروں کے خلاف آپریشن کے دوران 4026 جرائم پیشہ افراد کو گرفتار کیا۔
گیپکو نے 251 ملین پاکستانی روپے برآمد کر کے 1001 مجرموں کو گرفتار کر لیا۔ فیسکو نے آپریشن کے دوران 377 ملین روپے برآمد کرنے کا تخمینہ لگایا اور 1258 افراد کو گرفتار کیا۔
آئیسکو نے کریک ڈاؤن کے دوران 220 ملین روپے وصول کرتے ہوئے 139 افراد کو گرفتار کیا۔ میپکو نے بجلی چوروں سے 981 ملین روپے جبکہ پیسکو نے 3747 ملین روپے جرمانے وصول کئے۔ حیسکو نے 3083 ملین روپے، سیپکو کو 2007 ملین روپے اور کیسکو نے 593 ملین روپے جرمانہ وصول کیا۔
آپریشن کے دوران میپکو نے 1905، پیسکو نے 1215، حیسکو نے 48، سیپکو نے 98 اور کیسکو نے 32 مجرمان کو گرفتار کیا۔
