اردو ورلڈ کینیڈا ) ویب نیوز ( برطانوی دفتر برائے قومی شماریات کے مطابق 2022 میں برطانیہ کی گرین ہاؤس گیسوں کے اخراج میں 2.2 فیصد کمی ہوئی ہے۔ اخراج کی وجہ گھروں کو گرم کرنے کے لیے گیس کا کم استعمال بتایا جاتا ہے۔

دفتر برائے قومی شماریات (او این ایس) کے مطابق گیس کے کم استعمال کی ایک وجہ توانائی کی زیادہ قیمتیں ہیں، جب کہ دوسری وجہ گرم موسم ہے، جس نے حرارت کی ضرورت کو کم کر دیا ہے۔ پچھلے 50 سالوں میں توانائی کی طلب میں نے 2022 جتنی کم نہیں دیکھی۔

میٹ آفس کے مطابق، 2022 برطانیہ کا ریکارڈ پر گرم ترین سال تھا اور 2021 کے مقابلے میں 0.8 ڈگری سیلسیس زیادہ گرم تھا۔او این ایس نے کہا کہ 2022 میں اخراج 2021 کے مقابلے میں 0.7 فیصد زیادہ تھا لیکن 2019 کے مقابلے میں پانچ فیصد کم ہے۔

برطانیہ نے گزشتہ سال 41.7 ملین ٹن کاربن ڈائی آکسائیڈ کا اخراج کیا جو کہ 1990 کے مقابلے میں 48 فیصد کم ہے۔ 1990 میں 65 ملین ٹن کاربن ڈائی آکسائیڈ کا اخراج ہوا۔
او این ایس کے مطابق، اخراج میں نمایاں کمی کوئلے سے چلنے والی بجلی کو گیس سے بدلنے، توانائی پر انحصار کرنے والی صنعتوں کو کم کرنے اور قابل تجدید توانائی میں اضافے سے آئی ہے۔