اردوورلڈ کینیڈا ( ویب نیوز)حوالہ ہنڈی، ایرانی تیل کے کاروبار اور اسمگلنگ میں کون ملوث ہے؟ افسران، سیاستدانوں اور ڈیلرز کی تفصیلات وزیراعظم ہاؤس کو فراہم کر دی گئیں۔
سرکاری ادارے کی رپورٹ میں ہوش ربا انکشافات سامنے آگئے، رپورٹ کے مطابق بہتی گنگا میں ہر کوئی ہاتھ دھو بیٹھا ہے،

ایک سو کے قریب سرکاری اہلکار، 29 سیاستدان اور سینکڑوں ڈیلرز ہنڈی کے کاروبار، اسمگلنگ میں ملوث ہیں۔
رپورٹ کے مطابق 722 کرنسی ڈیلرز ہنڈی کے کاروبار میں ملوث ہیں، پنجاب میں 205، خیبرپختونخوا میں 183، سندھ میں 76، بلوچستان میں 104، آزاد کشمیر میں 37 اور اسلام آباد میں 17 کرنسی ڈیلرز ہیں۔
ایران سے سالانہ دو ارب 81 کروڑ لیٹر سے زائد تیل پاکستان اسمگل کیا جاتا ہے، سرحدی علاقوں میں تیل کی اسمگلنگ میں 76 ڈیلرز ملوث ہیں، ملک بھر میں 995 پمپس ایرانی تیل فروخت کرتے ہیں، ایرانی تیل کی اسمگلنگ میں 90 سرکاری اہلکار ملوث ہیں۔ جبکہ 29سیاستدان کاروبار سے وابستہ ہیں۔