کھانا دینے سے انکار ، شوہر نے بیوی کو موت کے گھاٹ اتار دیا

182

اردو ورلڈ کینیڈا ( ویب نیوز ) بھارت میں ظلم کو ئی نئی بات نہیں  معمولی باتوں

پر قتل و غارت عام بھارتی ریاست چھتیس گڑھ میں شوہر نے کھانا دینے سے

انکار پر بیوی کو موت کے گھاٹ اتار دیا۔

38 سالہ ملزم یوگیندر شریواس ایک کلینک میں کمپاؤنڈر تھا جو کام سے واپس آیا اور 32 سالہ منجیتا

سے کھانا مانگا جس پر اس نے انکار کردیا اور دونوں میں جھگڑا ہوگیا۔ لڑائی کے دوران یوگیندر نے اپنی

بیوی پر کلہاڑی سے وار کیا جس کے بعد وہ چیخنے لگی، چیخیں سن کر ان کے بچے 8 سالہ بیٹا اور

10 سالہ بیٹی وہاں پہنچے اور ماں کو خون میں لت پت دیکھا۔ یہ دیکھ کر بچوں نے فوراً پڑوسیوں کو اطلاع

دی، جس کے بعد یوگیندر نے خود پولیس کو اطلاع دی اور اپنے جرم کا اعتراف کیا، جس کے بعد اسے گرفتار

کر لیا گیا ، پولیس نے بتایا کہ معلوم ہوا ہے کہ جوڑے میں اکثر معمولی باتوں پر جھگڑا رہتا تھا تاہم اس قسم کی

لڑائی پہلی بار ہوئی ہے۔