اردوورلڈ کینیڈا(ویب نیوز)آئینی ترامیم کے حوالے سے حکومت کے مسودے کے نکات سامنے آئے ہیں۔حکومت نے وفاقی آئینی عدالت کی تشکیل کا فارمولہ سیاسی جماعتوں کے ساتھ شیئر کیا ہے کہ وفاقی آئینی عدالت کیسے بنائی جائے گی، حکومت نے اس تناظر میں ڈھانچہ تیار کیا ہے۔
مجوزہ ترمیم کے مطابق وفاقی آئینی عدالت 7 ارکان پر مشتمل ہوگی جن میں چیف جسٹس، آئینی عدالت کے چیف جسٹس اور دو سینئر ترین جج ممبر ہوں گے۔
مجوزہ ترمیم میں کہا گیا ہے کہ وفاقی آئینی عدالت میں وزیر قانون، پاکستان کے اٹارنی جنرل اور بار کونسل کا نمائندہ شامل ہوگا۔
واضح رہے کہ اس سے قبل مجوزہ 26ویں آئینی ترامیم کے معاملے پر پارلیمنٹ کی خصوصی کمیٹی کا اجلاس ہوا تھا۔
یہ اجلاس پیپلز پارٹی کے سینئر رہنما سید خورشید کی صدارت میں پارلیمنٹ ہاؤس میں منعقد ہوا۔. اجلاس کے دوران جے یو آئی نے مجوزہ مسودہ کمیٹی کو پیش کیا۔.
15
