اردو ورلڈ کینیڈا ( ویب نیوز ) ایران نے امریکہ اور اسرائیل کو واضح انتباہ جاری کیا ہے
اگر جنگ شدت اختیار کرتی رہی تو پورا مشرق وسطیٰ ان کے لیے جہنم بن جائے گا۔ یہ اعلان ایران کے خاتم الانبیاء مرکزی ہیڈکوارٹر کے ترجمان ابراہیم ذوالفقاری نے کیا۔ذوالفقاری نے کہا کہ ایران کے خلاف مزید جارحیت کو پورے خطے میں شدید ردعمل کا سامنا کرنا پڑے گا۔ ان کا کہنا تھا کہ اب ایران کو شکست دینے کا خیال مخالفین کے لیے خود ایک گڑھا بن چکا ہے، جس میں وہ خود ہی دھنستا نظر آئے گا۔
ادھرامریکہ کے صدر ڈونلڈ ٹرمپ نے ایک بار پھر دھمکی دی ہے کہ ایران کے پاس 48 گھنٹے ہیں کہ وہ کسی معاہدے پر پہنچے یا ہرمز کے راستے کو کھولے، ورنہ اس کے نتائج قیامت خیز ہوں گے۔یاد رہے کہ ہرمز کی تنگی عالمی تجارت اور تیل کی ترسیل کے لیے ایک انتہائی اہم راستہ ہے، اور ایران پر حملوں کے بعد یہ راستہ بند ہے۔ ماہرین کے مطابق، اگر اس گذرگاہ کو دوبارہ بند یا محدود کیا گیا تو عالمی توانائی کی مارکیٹ پر شدید اثر پڑ سکتا ہے اور مشرق وسطیٰ میں کشیدگی مزید بڑھ سکتی ہے۔
