147
اردو ورلڈ کینیڈا ( ویب نیوز ) امریکا کے ساتھ تعلقات میں قومی مفادات کو مدنظر رکھتے ہیں، ریاض کے واشنگٹن کے ساتھ کچھ معاملات پر اختلافات ہیں جو ڈھکے چھپے نہیں۔
سعودی وزیر خارجہ شہزادہ فیصل بن فرحان کا کہنا ہے کہ روس کے ساتھ سعودی عرب کے اچھے تعلقات سب کے لیے فائدہ مند ہیں۔
ریاض میں میونخ سیکیورٹی کانفرنس میں مشرق وسطیٰ کے ممالک کے کردار کے بارے میں گفتگو کے سیشن میں سعودی وزیر خارجہ نے کہا کہ ریاض عالمی تیل کی منڈیوں کے استحکام کے لیے سنجیدگی سے کام کر رہا ہے۔
انہوں نے کہا کہ خطے میں سلامتی اور استحکام کے لیے امریکا کے ساتھ مل کر کام کر رہے ہیں، خلیج تعاون کونسل یوکرائن کے بحران کو مذاکرات کے ذریعے حل کرنا چاہتی ہے۔
ایران کے ساتھ تعلقات پر سعودی وزیر خارجہ نے کہا کہ ایران کے ساتھ تعلقات پر ہمارا موقف واضح ہے، ہم تہران کے ساتھ بات کر رہے ہیں۔
