455
اردو ورلڈ کینیڈا ( ویب نیوز )معروف قانون دان لطیف آفریدی قاتلانہ حملے میں جاں بحق ،ذرائع کے مطابق لطیف آفریدی پر فائرنگ کا واقعہ پشاور ہائی کورٹ کے بار روم میں پیش آیا جس میں وہ شدید زخمی ہوگئے جنہیں تشویشناک حالت میں اسپتال منتقل کیا گیا جہاں وہ جانبر نہ ہوسکے۔
لیڈی ریڈنگ ہسپتال انتظامیہ نے لطیف آفریدی کے انتقال کی تصدیق کر دی ہے۔
پولیس کے مطابق سینئر وکیل پر 9 گولیاں چلائی گئیں، جس میں سے 6 گولیاں انہیں لگیں، گولی چلانے والے کو موقع پر ہی گرفتار کر لیا گیا۔
واضح رہے کہ معروف قانون دان لطیف آفریدی سپریم کورٹ بار ایسوسی ایشن کے صدر بھی رہ چکے ہیں۔