35
اردو ورلڈ کینیڈا ( ویب نیوز ) امریکی صدر جو بائیڈن اور اسرائیلی وزیراعظم بنجمن نیتن یاہو کے درمیان ٹیلی فون پر بات چیت ہوئی۔وائٹ ہاؤس نے کہا کہ امریکی صدر جو بائیڈن نے اسرائیلی وزیر اعظم بنجمن نیتن یاہو سے 30 منٹ کی فون کال میں بات کی، جس میں ایران کے خلاف جوابی کارروائی کے اسرائیل کے منصوبوں پر تبادلہ خیال کیا گیا۔میڈیا رپورٹس کے مطابق دونوں رہنماؤں کے درمیان ٹیلی فونک گفتگو ایک ایسے وقت میں ہوئی جب اسرائیل، ایران اور حزب اللہ کے درمیان جنگ بندی کے معاہدے تک پہنچنے کا کوئی امکان نہیں تاہم تنازع تیزی سے بڑھ رہا ہے۔واضح رہے کہ مشرق وسطیٰ لبنان میں اسرائیلی فوج کی بڑھتی ہوئی کارروائی کے جواب میں گزشتہ ہفتے کے ایرانی میزائل حملے کے بعد اسرائیل کے جواب کا انتظار کر رہا ہے۔
