اردو ورلڈ کینیڈا ( ویب نیوز ) پاسداران انقلاب کا کہنا ہے کہ ایرانی فوج اسرائیل میں ان اہداف کو نشانہ بنا رہی ہے جہاں سے ایران کے خلاف جارحیت کی جا رہی ہے۔

میزائل حملوں میں 150 اسرائیلی اہداف کو نشانہ بنایا گیا۔پاسداران انقلاب نے کہا کہ اسرائیلی فوجی تنصیبات کو نشانہ بنایا جا رہا ہے جس میں اسرائیلی فوجی اڈے اور اسرائیلی ہتھیاروں کی تیاری کی سہولیات شامل ہیں۔پاسداران انقلاب کے مطابق ایرانی فضائیہ نے مقبوضہ علاقوں میں بیلسٹک میزائل اور ڈرون حملے کیے ہیں۔ یہ وہی تنصیبات ہیں جہاں سے اسرائیل ایران اور فلسطینیوں پر بمباری کرتا ہے۔آئی آر جی سی نے دعویٰ کیا ہے کہ اسرائیلی بیانات کے برعکس ایرانی میزائل اپنے اہداف کو نشانہ بنا رہے ہیں۔ یہ معصوم خون بہانے کا بدلہ ہے۔پاسداران انقلاب نے یہ بھی خبردار کیا کہ ایران کی سلامتی ایک سرخ لکیر ہے جس پر حملہ کرنے کی صورت میں فیصلہ کن جواب دیا جائے گا کہ جلد ہی اسرائیل پر خیبر میزائل داغے جائیں گے اور دنیا حیران رہ جائے گی۔