اردوورلڈکینیڈا( ویب نیوز)وفاقی ہاؤسنگ فنڈز کی نگرانی کرنے والے ادارے کا کہنا ہے کہ کیلگری کو ملنے والی رقوم blanket rezoning کی ممکنہ منسوخی کے باوجود منجمد نہیں کی جا رہیں۔
کینیڈا مورگیج اینڈ ہاؤسنگ کارپوریشن (CMHC) نے CityNews کو ای میل میں بتایا کہ وہ blanket rezoning کو ختم کرنے کی کوششوں سے باخبر ہیں، تاہم کیلگری کے لیے ہاؤسنگ ایکسیلیریٹر فنڈ سے متعلق کوئی سرکاری فیصلہ نہیں ہوا۔یہ وضاحت اُس وقت سامنے آئی جب جمعے کے روز کونسلرز اور میئر کو سٹی ایڈمنسٹریشن کی جانب سے ایک ای میل موصول ہوئی جس میں لکھا تھا
“ہاؤسنگ ایکسیلیریٹر فنڈ (HAF) کی 129 ملین ڈالر کی آئندہ قسطیں شہر بھر کی ری زوننگ کی صورتحال واضح ہونے تک روک دی گئی ہیں۔ای میل میں خبردار کیا گیا تھا کہ اگر 31 مارچ 2026 تک معاملہ واضح نہ ہوا تو شہر کو تیسری قسط، یعنی 64 ملین ڈالر، جاری نہیں کی جائے گی۔ کونسلرز کو بھیجی گئی ای میل میں یہ بھی کہا گیا کہ CMHC نے بتایا ہے کہ “بات چیت کی کچھ گنجائش موجود ہے۔
کچھ کونسلرز کا کہنا ہے کہ کوئی نہ کوئی سچ نہیں بول رہاکونسلر ڈین مک لین نے کہامجھے لگا کہ مجھے کونسل میں گمراہ کیا گیا یا جھوٹ بولا گیا۔ میں نے کئی بار پوچھا کہ کیا فنڈنگ blanket upzoning سے منسلک ہے، کبھی مختلف جوابات ملے اور کبھی صاف انکار کیا گیا۔بدھ کے روز میئر جیرومی فارکس نے بتایا کہ فنڈنگ سے متعلق بات چیت جاری ہے۔
انہوں نے کہاہم اپنے وفاقی شراکت داروں سے ایسے حل کے لیے بات جاری رکھیں گے جو کیلگری کی ضروریات کے مطابق ہو، تاکہ ہم وہ ہاؤسنگ بنا سکیں جس کی Calgarians کو ضرورت ہے، لیکن زیادہ مؤثر اور کمیونٹی کی رائے پر مبنی طریقے سے۔”
blanket rezoning کو منسوخ کرنے کی تجویز دسمبر میں مکمل سٹی کونسل کے اجلاس میں زیرِ بحث آئے گی۔اب تک کیلگری کو ہاؤسنگ ایکسیلیریٹر فنڈ سے 122 ملین ڈالر مل چکے ہیں۔
