ریشی سونک کنزرویٹو پارٹی کی قیادت سے مستعفی

39

اردو ورلڈ کینیڈا ( ویب نیوز )  سابق برطانوی وزیراعظم رشی سونک نے کنزرویٹو پارٹی کی قیادت سے استعفیٰ دے دیا۔برطانوی میڈیا کے مطابق کنزرویٹو پارٹی کے نئے سربراہ کے انتخاب کا عمل شروع ہو گیا ہے اور کاغذات نامزدگی آج سے 29 جولائی تک جمع کرائے جا سکیں گے۔

برطانوی میڈیا کے مطابق امیدواروں کو پہلے مرحلے کی ووٹنگ کے لیے 10 ارکان پارلیمنٹ کی حمایت درکار ہوگی جب کہ حتمی 2 امیدواروں میں سے کسی ایک کا انتخاب ووٹ سے مشروط ہوگا۔یہ بھی بتایا گیا ہے کہ کنزرویٹو پارٹی کے سربراہ کا انتخاب آن لائن ووٹنگ کے ذریعے کیا جائے گا اور پارٹی کے نئے سربراہ کا اعلان 2 نومبر کو کیا جائے گا۔برطانوی میڈیا کے مطابق رشی سونک نئے سربراہ کے انتخاب تک بطور قائم مقام قیادت کریں گے۔