76
اردو ورلڈ کینیڈا ( ویب نیوز)بھارت میں ڈاکوؤں نے پازیب کے لیے معمر خاتون کی ٹانگ کاٹ دی۔
بھارتی میڈیا کے مطابق یہ واقعہ اتوار کو جے پور میں پیش آیا جہاں ڈاکوؤں نے چاندی کی پازیب کے لیے 108 سالہ خاتون کی ٹانگ کاٹ دی۔
بھارتی میڈیا کے مطابق پولیس کا کہنا ہے کہ واقعہ شام کے وقت اس وقت پیش آیا جب 108 سالہ خاتون گھر میں موجود تھی کہ نامعلوم ملزمان گھر میں داخل ہوئے اور اسے باہر نکال لیا۔ اس دوران ملزمان نے تیز دھار آلے سے خاتون کی ٹانگ کاٹ دی۔ اور پازیب چھین لی
پولیس کے مطابق متاثرہ خاتون کی شناخت یمنا دیوی کے نام سے ہوئی ہے جسے فوری طبی امداد کے لیے ہسپتال منتقل کر دیا گیا ہے۔
پولیس کے مطابق یہ خاتون اپنی بیٹی کے ساتھ جے پور میں رہتی ہے۔
