Imran 
اردو ورلڈ کینیڈا ( ویب نیوز ) فلسطینی مزاحمتی تنظیم حماس نے اسرائیلی شہر ایلات میں ایک فوجی کیمپ پر راکٹ حملے کی ویڈیو جاری کی ہے۔غیر ملکی خبر رساں ادارے کے مطابق غزہ سے 220 کلومیٹر دور واقع ایلات میں اسرائیلی فوجی کیمپ کو حماس کی القسام بریگیڈز نے میزائلوں سے نشانہ بنایا جس کے نتیجے میں عمارت تباہ ہو گئی۔
دوسری جانب حسام کی القسام بریگیڈ نے بھی اسرائیلی شہر تل ابیب پر راکٹ فائر کیے جس کے نتیجے میں متعدد افراد زخمی ہوگئے۔ لبنان سے حزب اللہ نے سرحدی علاقے میں اسرائیلی ٹینک کو نشانہ بنایا، زمین سے فضا میں مار کرنے والے میزائل سے اسرائیلی فوج کو نشانہ بنانے کی کوشش کی گئی۔اسرائیلی طیاروں نے لبنان میں بھی اہداف کو نشانہ بنایا، اس دوران ایک دکان میں آگ لگ گئی، مزید برآں اسرائیلی طیاروں نے شام پر بمباری کی، جس کے نتیجے میں 8 شامی فوجی شہید ہوگئے۔
