اردو ورلڈ کینیڈا ( ویب نیوز ) کرسٹیانو رونالڈواور لیونل میسی سمیت متعدد ترک فٹبالرز نے زلزلہ متاثرین کی مدد کے لیے اپنی جرسی عطیہ کی۔

 رونالڈو کی جرسی 2 لاکھ 12 ہزا ر 450ڈالر (57.2 ملین روپے سے زائد) میں فروخت ہوئی۔ حال ہی میں ترکی اور اٹلانٹا کے فٹبالر میریہ ڈیمیرل نے لیونل میسی سمیت کئی فٹبالرز سے درخواست کی کہ وہ ترکی میں آنے والے خوفناک زلزلے کے متاثرین کے لیے اپنی ذاتی جرسیاں عطیہ کریں۔

جس کے بعد لیونل میسی، کرسٹیانو رونالڈو، ایمباپے، آرلن ہالینڈ، نیمار جے آر اور ایڈن ہیزرڈ کی جرسیاں میری ڈریمل کی پلیئر شرٹس کے روسٹر کا حصہ بن گئیں، یہ جرسیاں زلزلہ متاثرین کی مدد کے لیے نیلامی کے لیے رکھی گئی ہیں۔

میڈیا رپورٹس کے مطابق رونالڈو کی جرسی 2لاکھ 12 ہزا ر 450ڈالر کی سب سے زیادہ بولی کے ساتھ فروخت ہوئی ہے۔دوسری جانب یورپی فٹ بال ایسوسی ایشنز یونین نے بھی ترکی اور شام میں انسانی ہمدردی کی کوششوں میں مدد کے لیے تقریباً 214,000 ڈالر عطیہ کیے ہیں۔