اردوورلڈ کینیڈا ( ویب نیوز ) واٹس ایپ نے ایک فیچر ‘پراکسی سپورٹ متعارف کرایا ہے جس کے بعد اسے انٹرنیٹ کے بغیر بھی چلایا جا سکے گا۔ واٹس ایپ کی بلاگ پوسٹ کے مطابق ایران سمیت کئی ممالک میں لوگوں کو ایک دوسرے سے دور کرنے کے لیے انٹرنیٹ بند یا واٹس ایپ سمیت دیگر ایپس کو بلاک کر دیا گیا ہے جو کہ انسانی حقوق کی خلاف ورزی ہے۔
بلاگ میں کہا گیا کہ انسانی حقوق کی بحالی اور لوگوں کو ایک دوسرے سے جوڑنے کے لیے واٹس ایپ پراکسی سپورٹ متعارف کرائی جارہی ہے جس کی مدد سے لوگ انٹرنیٹ بند ہونے اور ایپس پر پابندی کے باوجود واٹس ایپ کو آسانی سے استعمال کر سکتے ہیں۔ کرنے کے قابل ہو جائے گاواٹس ایپ کے مطابق پراکسی سپورٹ کے باوجود صارفین کے میسجز اور کالز اینڈ ٹو اینڈ رہیں گے، یعنی انہیں واٹس ایپ اور میٹا سمیت پراکسی سرورز کے ذریعے دیکھا یا سنا نہیں جا سکے گا۔
پراکسی سپورٹ کیا ہے؟
پراکسی سپورٹ کا سادہ مطلب یہ ہے کہ جن خطوں یا ممالک میں انٹرنیٹ سروس بند ہے یا واٹس ایپ پر پابندی ہے، وہاں کے لوگ مذکورہ فیچر کے تحت آسانی سے واٹس ایپ استعمال کر سکیں گے۔ اس فیچر کے تحت واٹس ایپ خود انٹرنیٹ فراہم نہیں کرے گا بلکہ دنیا بھر کے مختلف فلاحی اداروں کے بنائے گئے پراکسی نیٹ ورک سرورز مفت انٹرنیٹ فراہم کریں گے۔
پراکسی انٹرنیٹ سرور نہ صرف انٹرنیٹ فراہم کریں گے بلکہ پابندی کے باوجود واٹس ایپ کو وہاں چلانے کے قابل بھی بنائیں گے۔ دنیا بھر میں کئی انسانی اور انسانی حقوق کی تنظیموں نے مفت پراکسی انٹرنیٹ سرورز قائم کیے ہیں جو دنیا بھر کے ممالک کو مفت انٹرنیٹ اور دیگر خدمات فراہم کر رہے ہیں۔ مذکورہ پراکسی انٹرنیٹ سروسز مفت ہیں اور وہ انٹرنیٹ کنکشن کے بغیر کام کرتی ہیں لیکن صارفین کو پہلے ایسے سرورز کے بارے میں معلومات حاصل کرنے کی ضرورت ہے۔
پراکسی سپورٹ فیچر کیسے آن کیا جائے؟
عام طور پر مذکورہ فیچر صرف ان علاقوں میں کام کرے گا، جہاں حکومت یا انتظامیہ کی جانب سے انٹرنیٹ بلاک کیا گیا ہے اور وہاں واٹس ایپ پر بھی پابندی ہے۔ اس فیچر کو استعمال کرنے کے لیے صارفین کو اپنی واٹس ایپ سیٹنگز میں جانا ہوگا۔ واٹس ایپ سیٹنگ بار پر کلک کرنے کے بعد ‘اسٹوریج اینڈ ڈیٹا پر کلک کریں، جہاں بالکل آخر میں ‘پراکسی سیٹنگز کا آپشن ہوگا۔
صارف کو ‘پراکسی سیٹنگ پر کلک کرنا ہوگا، جس کے بعد ایک نئی ونڈو کھلے گی، جہاں پراکسی سیٹنگ کو آن کرنا ہوگا۔پراکسی سیٹنگ کو آن کرنے کے بعد سسٹم ‘پراکسی سرور استعمال کرنے کو کہے گا اور اس کے لیے صارفین کو پہلے پراکسی انٹرنیٹ سرور ڈاؤن لوڈ کرنا ہوگا۔یعنی صارفین کو سب سے پہلے اپنے فون میں ‘فری پراکسی انٹرنیٹ سرور ڈاؤن لوڈ کرنا ہوگا، جس کے بعد وہ واٹس ایپ کی سیٹنگز میں جا کر اس پراکسی سرور کو واٹس ایپ سے جوڑ سکتے ہیں۔
پراکسی سپورٹ فیچر غیر محفوظ
اس فیچر کے لیے سب سے مشکل بات یہ ہے کہ صارف کو پہلے سے معلوم ہونا چاہیے کہ فری پراکسی انٹرنیٹ سرور کون سے ہیں اور کون سا سرور سب سے زیادہ محفوظ ہے؟اس سلسلے میں واٹس ایپ صارفین کی رہنمائی نہیں کرے گا کہ کون سا پراکسی سرور محفوظ ہے۔صارفین کو پہلے سے پراکسی سرورز ڈاؤن لوڈ کرنا ہوں گے جو ہنگامی حالات میں کام آئیں گے۔
