چین، روس اور متحدہ عرب امارات نے اقوام متحدہ کی سلامتی کونسل کے اجلاس میں امریکہ کی جانب سے غزہ پر پیش کی گئی قرارداد کی مخالفت کی جبکہ برازیل اور موزمبیق غیر حاضر رہے۔روس کی جانب سے پیش کردہ قرارداد کے مسودے کی چین، روس، امارات اور گیبون نے حمایت کی تھی جب کہ امریکا اور برطانیہ نے اس کی مخالفت کی تھی۔

اس موقع پر البانیہ، ایکواڈور، فرانس، گھانا، جاپان، مالٹا، موزمبیق اور سوئٹزرلینڈ غیر حاضر رہے۔ قرارداد پاس کرنے کے لیے کم از کم نو ارکان کی حمایت درکار ہوتی ہے۔امریکی قرارداد میں اسرائیل کے اپنے دفاع کے حق پر زور دیا گیا تھا، جب کہ روسی مسودے میں اسرائیلی فوج سے غزہ کے باشندوں کو شمال سے بے دخل کرنے کے مطالبے کو منسوخ کرنے کا مطالبہ کیا گیا تھا۔