اردو ورلڈ کینیڈا ( ویب نیوز ) امریکہ نے روس کے شہریوں پر پابندی عائد کر رکھی ہے ، اب روس نے بھی امریکی پابندیوں کا جواب دیتے ہوئے 92 امریکی شہریوں کے روس میں داخلے پر پابندی لگا دی ۔روسی وزارت خارجہ کے مطابق پابندیوں میں امریکی صحافی، فوجی، وکلا اور سرکاری اہلکار شامل ہیں۔امریکہ نے 400 روسی شہریوں پر یوکرین جنگ میں ملوث ہونے پر پابندیاں عائد کر دی ہیں۔برطانوی خبر رساں ادارے کے مطابق روسی وزارت خارجہ کی جانب سے جاری کردہ فہرست میں وال اسٹریٹ جرنل کے 14 ملازمین 92 افراد میں شامل ہیں جب کہ پانچ سینئر صحافیوں کا تعلق نیویارک ٹائمز اور چار کا واشنگٹن پوسٹ سے ہے۔اس فہرست میں کچھ امریکی پراسیکیوٹرز، امریکی دفاعی صنعت کے ملازمین اور یونیورسٹی کے پروفیسرز کے نام بھی شامل ہیں۔