اردو ورلڈ کینیڈا ( ویب نیوز )امریکی محکمہ دفاع پینٹاگون نے الزام لگایا ہے کہ روس نے ویگنر کے سر کا طیارہ مار گرایا۔

بدھ کو روس میں ایک طیارے کے حادثے میں 10 افراد ہلاک ہو گئے، جن میں روسی نجی ملیشیا ویگنر گروپ کے سربراہ یوگینی پریگوزن بھی شامل ہیں۔

روسی حکام کے مطابق طیارہ ماسکو سے سینٹ پیٹرزبرگ جا رہا تھا کہ ماسکو کے قریب حادثہ پیش آیا جس میں تمام مسافر ہلاک ہوگئے۔غیر ملکی خبر رساں ادارے کے مطابق پینٹاگون کے اہلکار نے الزام عائد کرتے ہوئے کہا کہ امریکی حکام کا خیال ہے کہ یوگینی پریگوزن مارا گیا ہے۔
دوسری جانب روسی صدر نے بھی ویگنر گروپ کے سربراہ کی ہلاکت پر اپنی خاموشی توڑ دی ہے۔ روسی صدر کا کہنا تھا کہ یوگینی میں بہت سی صلاحیتیں تھیں، انہوں نے نیو نازیوں کے خلاف جدوجہد میں اہم کردار ادا کیا، یوگینی نے اپنی زندگی میں سنگین غلطیاں کیں، لیکن اس کے نتائج برآمد ہوئے۔