اردوورلڈ کینیڈا ( ویب نیوز)پاک فوج کے شعبہ تعلقات عامہ کے مطابق روسی نائب وزیراعظم الیکسی اوورچوک نے آرمی چیف جنرل سید عاصم منیر سے ملاقات کی۔
آئی ایس پی آر کے مطابق جی ایچ کیو میں ہونے والی ملاقات میں باہمی دلچسپی کے امور، علاقائی سلامتی اور مختلف شعبوں میں دوطرفہ تعاون پر تبادلہ خیال کیا گیا۔
آرمی چیف جنرل سید عاصم منیر نے روس کے ساتھ روایتی دفاعی تعاون کو فروغ دینے کے عزم کا اعادہ کیا، فریقین نے سیکیورٹی اور دفاعی تعاون کو مضبوط بنانے کے عزم کا اعادہ کیا۔
پاک فوج کے شعبہ تعلقات عامہ کے مطابق روسی نائب وزیراعظم نے دہشت گردی کے خلاف جنگ میں پاکستان کی مسلح افواج کے کردار کی تعریف کی۔
آئی ایس پی آر کے مطابق روسی نائب وزیراعظم نے خطے میں امن و استحکام کے لیے پاکستانی افواج کی کوششوں کو بھی سراہا۔