اردو ورلڈ کینیڈا ( ویب نیوز ) روسی فضائیہ کا ایک مگ 31 لڑاکا طیارہ تربیتی پرواز کے دوران گر کر تباہ ہوگیا اور طیارے کا پائلٹ لاپتہ ہوگیا۔

عرب میڈیا کی رپورٹ کے مطابق لڑاکا طیارہ روس کے مشرقی جزیرہ نما کے صوبے کامچٹکا سے ملحقہ بحر الکاہل کی ایواچا خلیج میں گر کر تباہ ہو ا۔

روسی بحریہ نے بحر الکاہل میں گر کر تباہ ہونے والے لڑاکا طیارے کے پائلٹس کی تلاش شروع کر دی ہے۔طیارے کے ساتھ حادثے کے بعد روسی فوج نے حادثے کی تفصیلات یا وجوہات کے بارے میں کوئی بات نہیں کی تاہم ایک بیان میں کہا گیا کہ طیارے میں کوئی ہتھیار نہیں تھا۔M

iG-31 لڑاکا طیارے سوویت یونین کے دور سے روسی فضائیہ کے ساتھ خدمات انجام دے رہے ہیں۔ جڑواں انجن، دو سیٹوں والے سپرسونک فائٹر کو فضائی لڑائی کے دوران دشمن کو پسپا کرنے کے لیے ڈیزائن کیا گیا ہے، جبکہ اسے طویل فاصلے تک مار کرنے والے کروز میزائل فائر کرنے کی صلاحیتوں سے بھی لیس کیا گیا ہے۔یاد رہے کہ رواں سال اپریل کے مہینے میں روس کا ایک مگ 31 طیارہ آرکٹک کے علاقے میں گر کر تباہ ہو گیا تھا.