اردو ورلڈ کینیڈا ( ویب نیوز ) حکام نے بتایا کہ اس پروگرام پر عمل درآمد نئے تعلیمی سال سے شروع کر دیا جائے گا۔
روس نے اعلان کیا ہے کہ وہ ہائی اسکول کے طلباء کو جنگی ڈرون اڑانے کی تربیت دے گا۔
اعلامیہ میں کہا گیا ہے کہ اس پروگرام پر عمل درآمد ستمبر سے شروع ہونے والے نئے تعلیمی سال سے شروع کر دیا جائے گا۔ یہ مشقیں 15 سے 17 سال کے طلباء کو بنیادی فوجی تربیت کے فریم ورک کے اندر دی جائیں گی۔ان اسکول کے طلباء کو ڈرون کے ٹھوس آزمائشی آپریشن کرنے اور دشمن کے ڈرون سے بچنے کا طریقہ سیکھنے کا موقع بھی دیا جائے گا۔یاد رہے کہ سوویت دور میں بھی سکولوں کے طلباء کو فوجی طرز کی تربیت فراہم کی جاتی تھی اور پھر اسے ترک کر دیا گیا تھا تاہم اب یہ تربیت تعلیمی سال 2023-2024 کے آغاز سے دوبارہ شروع کی جا رہی ہے۔
یوکرین میں جنگ شروع ہونے کے تقریباً 18 ماہ بعد وزارت تعلیم کی طرف سے شائع ہونے والے ایک پروگرام میں دکھایا گیا ہے کہ روسی نوجوان ڈرون کے فوجی استعمال کے ذرائع کے بارے میں جان سکیں گے۔ یا وہ کسی نہ کسی طرح ڈرون کے ذریعے اسٹیلتھ مشن کا استعمال کرتے ہوئے جاسوسی کے مشن کو انجام دینا سیکھ سکیں گے۔
