اردو ورلڈ کینیڈا ( ویب نیوز )تحریک انصاف کے چیف آرگنائزر سیف اللہ نیازی نے سیاست اور پی ٹی آئی   سے علیحدگی کا فیصلہ کر لیا ہے۔

تحریک انصاف کے رہنما اور عمران خان کے قریبی ساتھی نے کہا کہ آج تحریک انصاف چھوڑنے کا اعلان کرتا ہوں اور اب اپنی صحت پر توجہ دوں گا۔

9 مئی کے واقعات کی مذمت کرتے ہوئے انہوں نے کہا کہ اسلام بھی سرکاری املاک کو نقصان پہنچانے کی اجازت نہیں دیتا۔

اس سے قبل پاکستان تحریک انصاف (پی ٹی آئی) کے چیف الیکشن کمشنر جمال اکبر انصاری نے بھی پارٹی چھوڑنے کا فیصلہ کرلیا

اس حوالے سے بتایا گیا کہ پریس کانفرنس میں جمال اکبر انصاری کی جانب سے پی ٹی آئی کے عہدے سے مستعفی ہونے کا اعلان متوقع ہے۔ ذرائع کے مطابق وہ آج پریس کانفرنس میں پارٹی سے علیحدگی کا اعلان کریں گے۔

واضح رہے کہ فردوس عاشق اعوان نے تحریک انصاف سے علیحدگی کا اعلان کر رکھا ہے۔ انہوں نے کہا تھا کہ میری سیاست کا محور اور مرکز خدمت ہے، پی ٹی آئی میں شمولیت بھی اسی سلسلے کی ایک کڑی تھی