امریکی میڈیا کے مطابق ہاتھ سے پکڑنے والا یہ نیا آلہ دراصل ایک بائیو سینسر ہے جو تھوک کے ایک چھوٹے سے نمونے سے چھاتی کے کینسر کے بائیو مارکر کا پتہ لگا سکتا ہے۔محققین نے اس ڈیوائس کے بارے میں اپنی رپورٹ جرنل آف ویکیوم سائنس اینڈ ٹیکنالوجی بی میں شائع کی ہے۔ یونیورسٹی آف فلوریڈا میں لیڈ ریسرچر اور ڈاکٹریٹ کے طالب علم نے کہا ہے کہ "ہماری ڈیوائس ایک بہترین ڈیوائس ہے کیونکہ یہ پورٹیبل ہے ۔انہوں نے کہا کہ ٹیسٹ اور نتائج کے لیے صرف پانچ سیکنڈ تک کا وقت درکار ہے جو اس ٹیسٹ کو انتہائی موثر بناتا ہے۔
محققین نے وضاحت کی کہ یہ آلہ مخصوص اینٹی باڈیز پر مشتمل کاغذی ٹیسٹ سٹرپس کا استعمال کرتا ہے جو ہدف شدہ کینسر کے بائیو مارکر پر رد عمل ظاہر کرتی ہے۔جب ان پٹیوں پر تھوک کا نمونہ رکھا جاتا ہے، تو وہ بجلی کی لہر کو آلے کے مخصوص پوائنٹس پر بھیجتے ہیں۔ یہ لہریں تھوک میں موجود بائیو مارکر کو اینٹی باڈیز سے منسلک کرتی ہیں جو کینسر کے خطرے سے متعلق نتائج فراہم کرتی ہیں۔
