اردوورلڈکینیڈا( ویب نیوز)پاکستان تحریک انصاف کے سیکرٹری جنرل سلمان اکرم راجہ نے اپنے استعفے سے متعلق میڈیا کے سوالات کا جواب دینے سے گریز کیا۔

راولپنڈی میں صحافیوں نے ان سے استفسار کیا کہ آپ نے استعفے کا اعلان کیا ہے، اس کی کیا وجوہات ہیں؟ اس پر انہوں نے کہا کہ اس وقت میں اس معاملے پر بات نہیں کرنا چاہتا۔

ایک اور سوال پر جب صحافی نے ان کے ٹویٹ کا حوالہ دیا تو سلمان اکرم راجہ نے مختصر جواب دیا: "نو کمنٹس”۔ اسی طرح، ایک صحافی نے یاد دلایا کہ ماضی میں بھی انہوں نے استعفے کا اعلان کر کے فیصلہ واپس لے لیا تھا، تو انہوں نے دوبارہ کہا کہ ابھی میں کوئی وضاحت نہیں دوں گا۔

یاد رہے کہ گزشتہ روز سلمان اکرم راجہ نے پاکستان تحریک انصاف کے سیکرٹری جنرل کے عہدے سے مستعفی ہونے کا اعلان کیا تھا۔