ishtiaq ahmed 
82
الیکشن کمیشن نے 2 فروری کو محفوظ کیاگیا فیصلہ سنادیا، محفوظ فیصلہ ڈی ڈی لاء صائمہ جنجوعہ نے پڑھ کر سنایا۔ فیصلے میں کہا گیا ہے کہ امیدوار کو انتخابی نشان دیا گیا جو آزاد امیدواروں کو دیا گیا، جس پارٹی سے امیدوار سلمان اکرم راجا منسلک ہیں ان سے انتخابی نشان واپس لے لیا گیا ہے۔یاد رہے کہ سلمان اکرم راجا نے رولز 94 کے تحت خود کو پی ٹی آئی کا امیدوار درج کرنے کی استدعا کی تھی۔بعد ازاں 2 فروری کو الیکشن کمیشن نے عام انتخابات 2024 میں امیدوار سلمان اکرم راجا کی خود کو آزاد امیدوار قرار دینے کے خلاف درخواست پر فیصلہ محفوظ کرلیا تھا۔ سلمان اکرم راجا نے خود کو آزاد امیدوار قرار دینے کے خلاف درخواست لاہور ہائی کورٹ میں دائر کی تھی مگر ہائی کورٹ نے درخواست کو نمٹاتے ہوئے الیکشن کمیشن کو اس معاملے پر فیصلہ کرنے کی ہدایات جاری کردی تھی۔
