اردوورلڈکینیڈا(ویب نیوز)وزیراعلیٰ کے ترجمان نے بتایا کہ صنم جاوید کے مبینہ اغوا کے واقعے پر وزیراعلیٰ خیبرپختونخوا علی امین گنڈاپور کی ہدایت پر ایف آئی آر درج کر لی گئی ہے۔

ترجمان کے مطابق یہ ایف آئی آر ایڈووکیٹ حرا بابر، دختر محمد بابر شعیب کی مدعیت میں تھانہ شرقی پشاور میں درج کی گئی ہے۔ وزیراعلیٰ نے واقعے کی مکمل اور شفاف تحقیقات کے احکامات جاری کر دیے ہیں اور صنم جاوید کے اغوا میں ملوث نامعلوم افراد کی گرفتاری کے لیے قانونی کارروائی شروع کر دی گئی ہے۔

ترجمان نے مزید کہا کہ غیر قانونی سرگرمیوں میں ملوث افراد کو قانون کے مطابق سخت سزا دی جائے گی۔ خیبرپختونخوا حکومت صنم جاوید کو مکمل انصاف دلانے کے لیے تمام وسائل بروئے کار لا رہی ہے، اور صوبے میں انصاف، قانون اور عزتِ نفس کی حفاظت صرف نعروں سے نہیں بلکہ عملی اقدامات کے ذریعے یقینی بنائی جا رہی ہے۔ترجمان نے یہ بھی بتایا کہ صنم جاوید کو پشاور کے سول آفیسر میس کینٹ کے قریب سے مبینہ طور پر اغوا کیا گیا۔