اردو ورلڈ کینیڈا ( ویب نیوز )آرمی چیف کی مدت ملازمت میں توسیع کی قانون سازی کو منسوخ کردیا جائے
وزیر داخلہ رانا ثناء اللہ نے تجویز دیتے ہوئےکہا کہ عدلیہ جیسے نظام کے ذریعے سب سے سینئر افسر کو اگلا آرمی چیف مقرر کیا جائے۔
نجی چینل کو انٹرویو دیتے ہوئے رانا نے کہا کہ آرمی چیف کی تقرری کا فیصلہ وزیراعظم شہباز شریف کو کرنا ہے اور وہ تمام اسٹیک ہولڈرز سے مشاورت کریں گے یہ فیصلہ آئندہ چند روز میں کر لیا جائے گا۔
رانا ثناء اللہ نے کہا کہ آرمی چیف کی مدت ملازمت میں توسیع کی قانون سازی کو منسوخ کیا جائے
کیونکہ یہ آئندہ بھی ہر آرمی چیف کو پریشان کرتا رہے گا۔
معروف صحافی ارشد شریف قتل کیس کے حوالے سے پوچھے گئے سوال کے حوالے سے ان کا کہنا تھا کہ ‘میں نے جانے سے قبل ارشد شریف سے بات کی تھی
ان کا پاکستان چھوڑنے کا کوئی ارادہ نہیں تھا جب کہ اسلام آباد ہائی کورٹ نے ارشد کی مقدمات میں ضمانت منظور کی تھی۔
وزیر داخلہ نے مقتول ارشد شریف پر تشدد کی رپورٹس کی تصدیق کرتے ہوئے کہا کہ پوسٹ مارٹم رپورٹ میں ارشد شریف پر تشدد کی نشاندہی ہوتی ہے
انہوں نے مزید کہا کہ جس جگہ انہیں قتل کیا گیا وہاں پولیس کی ناکہ بندی نہیں تھی۔
رانا ثناء اللہ نے کینیا پولیس کے اس دعوے کو بھی مسترد کر دیا کہ ارشد شریف کے قتل کے دن ایک گاڑی لاپتہ ہو گئی تھی۔
علاوہ ازیں وزیر داخلہ نے وقار اور خرم سمیت ارشد شریف کے ساتھیوں پر شک کا اظہار کیا۔
پی ٹی آئی کے سربراہ عمران خان پر طنز کرتے ہوئے رانا ثناء اللہ نے کہا کہ عمران خان جھوٹی ایف آئی آر کے لیے یہ تماشا بنا رہے ہیں
کیا حملے کی ایف آئی آر درج کرنا سپریم کورٹ کا کام ہے؟
