اردو ورلڈ کینیڈا ( ویب نیوز ) جرمنی سے تعلق رکھنے والے ایک جوڑے نے سینڈوچ بنانے کا نیا عالمی ریکارڈ ایک ایسے مقابلے میں قائم کیا جس میں آنکھوں پر پٹی باندھے ایک مرد کو زبانی ہدایات کے ساتھ خاتون ساتھی کی مدد سے سینڈوچ بنانا پڑا۔

کھانا پکانا ایک ہنر ہے اور اس مہارت کے بین الاقوامی مقابلوں میں دلچسپی ہوتی ہے۔ گنیز ورلڈ ریکارڈ مختلف پکوانوں کے حیرت انگیز مقابلوں کا بھی اہتمام کرتا ہے۔ ایسے ہی ایک مقابلے میں جرمنی کے ایک جوڑے کا مقابلہ ہوا۔

اس مقابلے میں جوڑے کو سینڈوچ بنانا تھا جو کوئی زیادہ مشکل کام نہیں لیکن شرط یہ تھی کہ ایک رکن کو بغیر دیکھے جب کہ دوسرے کو ہاتھ استعمال کیے بغیر ٹیم کے طور پر کام کرنا تھا۔جرمن جوڑے نے اپنی ذہانت اور مہارت سے یہ مشکل کام صرف 40 سیکنڈ میں مکمل کر کے عالمی ریکارڈ قائم کر دیا۔

گنیز ورلڈ ریکارڈ نے اس دلچسپ ریکارڈ کی ویڈیو اپنے انسٹاگرام اکاؤنٹ پر شیئر کی ہے۔ جس میں دیکھا جا سکتا ہے کہ مرد کی آنکھوں پر پٹی بندھی ہوئی ہے اور خاتون رکن کے پیچھے کھڑا ہے۔عورت نے اپنی کمر باندھ لی اور پیچھے کھڑے ساتھی کو آنکھوں پر پٹی باندھنی پڑی اور اس کے دونوں ہاتھ عورت کے بازوؤں سے ہٹا کر میز پر موجود اجزاء سے سینڈوچ تیار کرنا پڑا۔